| There, there, baby ... |
- Kāti, kāti, e pē/e te tau/e kō/e tama (mō te tāne)
- Kātirawhe (mēnā kua hōhā haere koe - koinei te kōrero a te pakeke i a ia ka hōhā engari he māmā tana reo, hōhā mai, aha mai).
|
| Sshhhh |
- Kāti, kāti
- E moe (mēnā e tangitangi ana i te mate moe)
- Hoihoi
- Turituri
- Kāti te auē/te tangi/te tangitangi
|
| What's the matter? |
- He aha te mate?
- He aha? (he tino kōrero tēnei hei pātai ‘he aha te mate', ka mutu i ōna wā anō, mēnā e whakakuene ana te tamaiti, ka kumea roatia te ‘he', me te paku kaha ake o te reo)
|
| He's got wind. |
- E kī ana (te puku) i te hau.
- Kei te kī i te hau.
|
| Oh no, you've got the hiccoughs. |
- Auē/e tā/e kō/e hika, kua tokopuhake(tia)/tokomauri(tia) koe.
- . . . kei te tokopuhake koe.
|
| You poor thing! |
- Aiiiiii, ka aroha hoki koe. (he tohu aroha, engari ka taea anō tēnei hei kōrero whakatakē)
|
| Are you warm? Come here so that I can feel you. |
- Kei te mahana koe? Haramai, kia whāwhāhia koe (e au)/kia whāwhā au i a koe.
- Kei te mahana koe? Tēnā . . . kia whāwhāhia koe.
|
| Eat up! |
|
| What a big burp that was, baby! |
- E hika, kātahi nā te tokopuaha!
|
| I bet you feel better now. |
- Kua pai koe i āianā, ne hā?
- Kātahi nā ka pai.
|
| Oh, what a big yawn. |
- E hika, kātahi nā te hītakotako.
|
| I love you so much. |
|
| What a big boy/girl you are. |
- Tō nui kē hoki.
- Kua nui/rahi haere koe
|
| Oh, you are so cute. |
- Kātahi nā te tamaiti ātaahua/pai/haututū.
- Ka wani kē taku tamaiti.
|
| My beautiful baby. |
- (Ka) tau kē taku tamaiti/pēpē.
- Ka wani kē taku tamaiti.
|
| You're a bit snotty. |
- Tō hūpē!
- Kei te hūpē katoa tō ihu.
- Tō hūpē hoki, āe.
|
| I know it's really sore. |
- Kei te mōhio au he (tino) mamae.
- Kei te rongo au i tō mamae.
|
| I'm sorry, it was an accident. |
- E te tau, kua whara (hoki) koe i a au. (mēnā kua whara, kua mamae, kua toto, kua aha)
- Mō taku hē, e te tau, kua mamae koe i a au.
- Aiiiiii, kua hē katoa (ō piropiro/koe) i a au. (mēnā kua riri, kua tangi, kua whakatakariri, kua aha)
- Aiiiiii, kua hē noa iho koe/tāua i a au.
- Aiiiiii, kua mate tāua i a au.
- Aue, nā wai hoki tāua i a au.
|
| The pain will go |
- Kāore e roa ka mutu te mamae
|
| Here's Māmā's nose/lips/ears/mouth, where's baby's? |
- Anei te/ngā ihu/ngutu/taringa/waha o Māmā, kei hea tōu/ōu?
|
| Give Pāpā a kiss. |
- Ki te kihi i a Pāpā . . . kia tere . . . haramai.
|
| Come and sit with me. |
- Haramai tāua/tātou ki te noho.
- Haramai tāua ki konei noho ai.
- Anei tāua/tātou ki konei noho ai.
|
| Open your mouth (ie ki te kai/inu waiū). |
- Tō waha.
- Huakina tō waha.
- Kia hāmama tō waha.
- Hāmama (mai).
|
| Squealing like that will chase the birds away. |
- Ka mataku ngā manu i a koe e ngawī haere nā.
- Ka purere ngā manu i a koe e pūkoto nā.
|
| You're a noisy thing! |
- Tō hoihoi kē!
- Kei te turituri koe.
- Kāti te hoihoi.
|
| You like to chit-chat don't you? |
- He pai ki a koe te kōrero, nē rā/hā?
- He puku kōrero koe.
|
| Baby likes it when we give him a soft pat on the back. |
- He pai ki a pēpē kia pōpōhia ana tana tuara.
|
| Why are you sad? |
- He aha koe e pōuri nā?
- E pōuri ana koe i te aha?
|
| Are you missing Māmā? |
- Kei te mokemoke/ongeonge koe ki a Māmā?
- E mokemoke/ongeonge ana koe ki a Māmā?
|
| She'll be back in a tick. |
- Kāore e roa ka hoki mai.
- Kāore a ia e roa.
- Ka hoki mai ā kō tonu ake nei.
- Ā kō ake nei ka hoki mai.
|
| What can we do to make you feel better? |
- Me pēhea koe e pai ake ai?
- Mā te aha rawa e pai ake ai koe?
|
| Ok. Lie down now. |
- Takoto, e te tau.
- Ā kāti, takoto.
|
| Did you have a nice, restful sleep? |
- I pai tō moe?
- I au tō moe?
|
| Let's play roley-poley. |
- Haramai tāua/tātou ki te takahurihuri/takaporepore/takaoriori.
|